GASTEIZ. Eusko Jaurlaritzak eta EP Elkarrekin Podemosek 2020ko aurrekontuak onartzeko aurreakordioa lortu zuten asteartean. EH Bilduk, ordea, ez du bat egiten kontu horiekin, eta itzultzeko eskatu du. Horregatik, joan den astean ohartarazi bezala, horien aurkako osoko zuzenketa bat erregistratu du Eusko Legebiltzarrean. Maddalen Iriarte koalizio subiranistako bozeramaileak atzo azaldu zuenez, Jaurlaritzarekin —EAJ eta PSE-EE— aurreakordioa lortuta, Elkarrekin Podemosek uko egin dio «aldaketa estrukturalak» hauspotu nahi izateari.
Iriartek salatu zuenez, Iñigo Urkullu lehendakariaren kabineteak diseinatutako aurrekontuek «austeritateari» eusten diote, eta ez dituzte lehengoratzen azken urteotan gastu publikoan egindako «murrizketak». Iruditzen zaio, horrenbestez, Gipuzkoan, Bizkaian eta Araban arrakala soziala «larriagotuko» dutela.
EH Bilduk osoko zuzenketa jarri die aurrekontuei
Elkarrekin Podemosi aurpegiratu dio uko egin diola «aldaketa estrukturalak» egin nahi izateari
Iruzkinak
Ez dago iruzkinik
Ordenatu
