TEL AVIV. Orotara 74 diputatuk bozkatu zuten atzo Urdina eta Zuria koalizioko buru Benny Gantzen alde, tartean Benjamin Netanyahuren Likud alderdiko hainbatek. Israelgo hainbat komunikabidek zabaldu dutenez, batasuneko gobernua osatzeko lehen pausoa litzateke atzokoa. Haren arabera, parlamentuko buru izango litzateke Gantz gobernua osatu bitartean. Hura adostutakoan, Likudeko diputatu baten esku geratuko litzateke kargua.
Hala, Urdina eta Zuria koalizioko burua Atzerri edo Defentsa ministro izatera igaroko litzateke 18 hilabetez. Tarte horretan, Netanyahuk hartuko luke lehen ministroaren kargua, eta, denbora hori igarota, Gantzen esku geratuko litzateke. Horrez gain, gobernuko karguen erdiak ere eskuratuko lituzke koalizioak, nahiz Likudek baino diputatu gutxiago izan.
Gantz hautatu dute Parlamentuko buru Israelen
Iruzkinak
Ez dago iruzkinik
Ordenatu
