BANGI. Faustin-Archange Tuadera Afrika Erdiko Errepublikako jarduneko presidenteak irabazi ditu herrialdeko hauteskundeak, behin-behineko emaitzen arabera, atzo hauteskunde batzordeak jakinarazi zuenez. Botoen %54 eskuratu zituen, %76tik gorako parte hartzea izan zuten bozetan. Emaitza baieztatuko balitz, Tuaderak agintea berrituko luke bigarren itzulirik gabe, botoen %50eko langa gaindituko lukeelako.
Talde matxinoen mehatxupean egin zituzten hauteskundeak, abenduaren 27an. Talde armatuek bozkalekuen %40 ixtera behartu zuten, eta bozketa eragotzi zuten bi prefeturatan. Oposizioak bozen aurretik egindako eskaria berretsi zuen atzo: hauteskundeak berriz egiteko galdegin zion gobernuari, herritarrek segurtasun baldintza hobeetan bozka dezaten.
Tuadera garaile Afrika Erdiko Errepublikan
Iruzkinak
Ez dago iruzkinik
Ordenatu