Realak Ritm Grodnoren aurka ekingo dio gaur Eurohockey txapelketari

BELAR HOCKEYA. Realak Eurohockey txapelketako lehen partida jokatuko du gaur, Ritm Grodno Bielorrusiako taldearen aurka (12:00). Irabazten badu, Surbiton Ingalaterrako txapeldunaren edota Alster Alemaniakoaren aurka ariko da finalerdietan. Galduz gero, aldiz, 5. eta 8. postuetako lehian sartuko litzateke. Eurohockeya belar hockeyko Txapeldunen Liga da, eta fase guztia Amsterdamen jokatuko da.