FVEMen azken proposamenaren ostean, greba deialdiari eutsi diote sindikatuek
BILBO. Bizkaiko metalgintzako lan hitzarmena eguneratzeko proposamena berritu du FVEM patronalak, gaur Bilbon egindako bileran. Sindikatuek jorratu nahi dituen arlo guztiak jorratu dituela ziurtatu du FVEMek, eta langileen ordezkariei egotzi die proposamen berririk ez dutela egin, eta haiena entzutera baizik ez direla azaldu. Sindikatuen iritziz, ordea, motz geratu da FVEMen eskaintza, bai soldaten igoerari dagokionez, baita beste arloei dagokienez ere. Horrenbestez, eutsi egin diete hilaren 30etik aurrerako bost greba egunei. Bihar egingo dute beste bilera bat. Larunbatean, milaka langile batu ziren Bilboko kaleetan, metalgintzako lan hitzarmen berria eskatzeko.
Iruzkinak
Ez dago iruzkinik
Ordenatu