«Errepresio beraren bi aurpegiak» salatu dituzte Altsasukoek eta Kataluniakoek

TOLOSA. Gipuzkoako CDRk antolatuta, Errepresio bereko bi aurpegi izeneko mahai ingurua egin zen atzo Tolosan (Gipuzkoa). Bost emakumezko aritu ziren: Bel Pozueta eta Edurne Goikoetxea —Altsasuko bi gazteren amak—, Amaia Izko —auziko abokatua— eta Laura Masvidal—Joaquin Forn Generalitateko Barne kontseilari espetxeratuaren bikotekidea— eta Txell Bonet —Jordi Cuixart Omnium Culturaleko presidente espetxeratuaren bikotekidea—. Gaur protagonista berberak ariko dira Gasteizen, Aldabe Gizarteko Etxeko ekitaldi aretoan (18:30).