ELAren greba, ituna inpugnatu duten enpresetan

BILBO. ELA eta LAB ez datoz bat EAEko sektore arteko esparru akordioaren inpugnazioari eman beharreko erantzunari buruz. LABek greba orokor bat egitea proposatu du; ELAk, berriz, lanuztea mugatu egin nahi du akordio horren aurka helegitea jarri nahi duten enpresetara. Apirilaren 24rako deitu nahi du, egun horretan aztertuko baitute inpugnazioa auzitegietan. «Enpresek ulertu behar dute lurralde hau haien aurkakoa dela», azaldu zuen Pello Igeregi ELAko negoziazio kolektiboko arduradunak, EH Bildurekin bildu ondoren. Koalizioak «erasotzat» jo du inpugnazioa.