Iraurgik Ohorezko Mailara igotzeko faseari ekingo dio gaur

Almeria, Campus Promete eta Patatas Hijolusa egokitu zaizkio multzoan, eta ez dago faboritoen artean

Iraurgi Añareseko jokalari eta teknikariak. IRAURGI SASKIBALOIA.
2019ko apirilaren 25a
00:00
Entzun
SASKIBALOIA. Iraurgi Añaresek Espainiako Ohorezko Mailara igotzeko faseari ekingo dio gaur, La Lagunan (Espainia). Bigarren Mailako zortzi talde onenak ariko dira, lauko bi multzotan banatuta. Lehenbizi, multzo bakoitzeko ligaxka jokatuko da, eta multzo bakoitzeko lehen bi sailkatuak finalerdietara igaroko dira. Finalerdi bakoitzeko irabazleak igoko dira mailaz.

Iraurgi ez da ageri igotzeko faboritoen artean, baina bere aukera guztiak baliatu eta ustekabekoa emateko itxaropenarekin bidaiatu du. Gaur jokatuko du lehen partida, Almeriaren aurka (17:00); bihar bigarrena, Campus Prometeren kontra (13:00), eta, azkenik, etzi hirugarrena, Patatas Hijolusa Leongo (Espainia) taldearen aurka (13:00).

Iraurgi hirugarren izan zen bere ligan; Almeria, berriz, laugarren bestean, eta, ustez, horrek beharko luke aurkari erosoena. Campus Prometek, aldiz, lehen postuan bukatu zuen, eta igotzeko hautagai da. Patatas Hijolusari dagokionez, Iraurgiren aurretik bukatu zuen, baina ligako azken partidan gipuzkoarren aurka galdu zuten.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.