KULTUR POLITIKAK. Seigarren urtez, abian da Meta egitasmoa.Kultur proiektuak diruz laguntzeko asmoz Gipuzkoako Foru Aldundiak sortutako mikromezenasgo programa da. Urtero, zenbait proiektu aukeratzen dituzte, finantzaketa kolektiborako kanpainan parte hartzeko. Eta biltzen duten euro bakoitzeko, beste euro bat bideratzen du Kultura Departamentuak. Aurten aurkeztutako 28 proiektuen artetik hamabost hautatu dituzte, eta dagoeneko zabalik dago horiek diruz laguntzeko aukera.
Askotariko proiektuak susta daitezke kanpainarekin; besteak beste, iheslari baten istorioa kontatzen duen film labur bat, amiantoaren atzean ezkutatzen diren errealitateei buruzko dokumental bat, haurrentzako ipuin ilustratu bat nahiz musikaren bidez Mendebaldeko Sahara laguntzeko proiektu bat daude hautatuen zerrendan.
Urteotan, 78 kultur proiektu finantzatu dira Meta egitasmoaren bidez, eta 739.000 euro jarri horietarako, Gipuzkoako Foru Aldundiak jakinarazi duenez.
Hamabost kultur proiektu, Metaren kanpaina berrian
Iruzkinak
Ez dago iruzkinik
Ordenatu
