Albistea entzun

Gaur hasiko da Araiako Umore Antzerkiaren Jaialdia

Tartean Teatroak <em>Simplicissimus</em> obra emango du Aiaran.
Tartean Teatroak Simplicissimus obra emango du Aiaran. MARISOL RAMIREZ / FOKU Tamaina handiagoan ikusi

Berria -

2020ko abuztuak 2

ARTE ESZENIKOAK. Beste urte batez, antzerkiak eta umoreak bat egingo dute Araban. Gaur hasiko da Araiako Umore Antzerkiaren XXVII. Jaialdia, eta, hilaren 30era bitarte, 27 emanaldi izango dira hamabost udalerritan. Araian zazpi egingo dituzte, hilaren 14tik 16ra. Horien artean, Tartean Teatroaren Simplicissimus, Vaiven Produkzioak-en Erlauntza eta El Mono Habitado konpainiaren ¡Ave, osos! izango dira ikusgai kiroldegian. Osasun krisiaren harira, segurtasun neurriak hartuta egingo dituzte saioak, Ana del Val Arabako Kultura eta Kirol diputatuak, Txelo Auzmendi Asparrenako alkateak eta Javier Alkorta jaialdiko zuzendariak azaldu dutenez. Horri lotuta, kaleko piezak ikastolako jolastokian egingo dituzte aurten, eta, ikusle kopurua kontrolatzeko, gonbidapenak banatuko dituzte. Gabe (Oihulari Klown), Turistreando (Trapu Zaharra), Baldin Bada (Shakti Olaizola) eta Aukerak (The Funes Troup) obrak ikusi ahal izango dira gune horretan. Egitarauko gainerako saioek Araba osoa zeharkatuko dute. Hala, gaur Manzanosen hasi eta abuztuaren amaierara arte, Amurrio, Okina, Oteo, Zuhatzu Kuartango, Bastida, Sobron, Maeztu, Ribabellosa, Gesaltza Añana, Izarra, Espejo, Zaitegi eta Laudio herrietan izango dira emanaldiak. Aurrez aipatutako kaleko konpainiak ez ezik, Ganso&Cia, Goitibera, Gag Street Boys, Bapateanzirko, Hutsun+Ortzi eta Zaguango Teatro ariko dira horietan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

«Gezurra esango nuke izozkigile bokazioa nuela esango banu»

«Gezurra esango nuke izozkigile bokazioa nuela esango banu»

Aitziber Arzallus - Gipuzkoako Hitza

Afizioz surflaria, ofizioz ostalaria eta garraiolaria izandakoa, eta orain, izozkigilea da Alberdi. Ez daramatza urte asko sektore horretan, baina bere lekutxoa egiten asmatu du. Hainbat lehiaketa irabazi ditu jada, eta Espainiako final bat jokatuko du aurki.

Donostiako kaian dago ibilaldiko bigarren geldialdia, arrain saltzaileen inprobisazioak gogoratzeko. ©GORKA RUBIO / FOKU

Bidaia bat bertsolaritzara

Ane Insausti

'Bertsolaritza Donostian barrena' izeneko ibilbidea sortu du Bagera elkarteak. Parte Zaharrean zortzi geldialdi egitea proposatzen dute, bertsolaritzari buruzko istorioak entzuteko.

Joseba Aurkenerena eta Xerar Urrutia idazleek sortu dute Urruñako aldizkari berria. ©URTZI URKIZU

Kultur aldizkari bat Urruñan

Urtzi Urkizu

Artikuluen %90 baino gehiago euskaraz dira, eta urtean bi zenbaki argitaratuko dituzte

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna