Madrilek irteteko baimena eman die bi euskal presori
MADRIL. Jose Luis Castro Espainiako Auzitegi Nazionaleko Espetxe Zaintzako epaileak egun batzuetarako irteera baimena eman die Urko Labeaga eta Emilio Salaberria euskal presoei (EPPK). El Diario Vasco-k eman du berria, eta BERRIAk egiaztatu egin du, Presoen Aldeko Batzordearen bidez. Bigarren graduan daude preso horiek, eta, beraz, espetxe araudiak ematen die halako baimena jasotzeko aukera. Etorkizunean indarkeria erabiltzeari uko egin diote, eta esan dute euren jarrera ere lagungarri izan dela ETAren bukaerarako. Eragindako mina aitortu dute. Gobernuan PSOE dagoenetik, EPPK-ko zazpi kidek jaso dute irteteko baimena.
Iruzkinak
Ez dago iruzkinik
Ordenatu