ANTZUOLA. Autogintza gehien zabalduta dagoen lurraldeetara hedatzen jarraitzen du Erreka Plastics kooperatibak. Txinako Zhuhai hirian fabrika bat zabaldu berri du, bere produktuekin hornitzeko hango merkatua, munduko handiena. Errekak Antzuolan (Gipuzkoa) du egoitza eta fabrika nagusia, baina lantegiak ditu Queretaron (Mexiko) eta Olomucen (Txekiar Errepublika) ere.
Zhuhai hiriko lantegia joint venture bat da, hau da, beste enpresa batekin batera eraikitako lantegi bat. Plastikozko injekzioaren arloan diharduen Txinako enpresa bat du bazkide Errekak, eta urteetako harremana du harekin. Inauguratu berri duten lantegian makina eta produkzio sistema berriak jarri dituzte, baita kudeaketa eredu aurreratua ere.
Errekak ziurtatu du Txinako fabrikarekin urrats bat egin duela aurrera, autoentzako plastikozko osagaietan «erreferente» bat izateko. Hari esker, Europan eta Amerikan eskaintzen duen kalitate bera eskaini ahal izango du Txinako bezeroentzat ere.
Erreka Plastics kooperatibak lantegi bat ireki du Txinan
'Joint venture' bat egin dute Txinako enpresa batekin, Zhuhai hiriko fabrikatik hango merkatua hornitzeko
Iruzkinak
Ez dago iruzkinik
Ordenatu