Huaweiren aurkako zigorrak beste 90 egunez atzeratu dituzte AEBek

WASHINGTON. AEBetako Gobernuak beste 90 egunez atzeratu du Huawei zigortzeko erabakia. Maiatzean iragarri zuen Donald Trumpek debekatu egingo ziela AEBetako enpresei Huaweirekin tratuak egitea, baina 90 eguneko luzapena iragarri zuen handik gutxira. Atzo bukatu zen epea, baina azaroaren 19ra arte zabaltzea erabaki du Washingtonek. «Konpainia batzuk Huaweiren beharra dute oraindik. Denbora gehiago eman behar diegu harremana eteteko», argudiatu du Wilbur Ross Merkataritza idazkariak.