ESTRASBURGO. Espetxean dauden Kataluniako buruzagi politikoak askatzeko eskatu zion atzo Europako Kontseiluko Batzar Parlamentarioko Lege Gaien eta Giza Eskubideen Batzordeak Espainiari. Era berean, erbestean dauden politikarien aurkako estradizio eskaerak bertan behera uzteko exijitu zion. Hilabetea amaitu aurretik bozkatuko du batzordearen ebazpena Kontseiluko Batzar Parlamentarioak. Halere, erakunde hark hartutako erabakiak ez dira lotesleak.
Kataluniako presidente ohi Carles Puigdemonten esanetan, ebazpena «gogorra» da. «Europako Batasuneko erakundeek ongi egingo lukete bertako kide batek duen jarreraz arduratuko balira», adierazi zuen, Espainiari erreferentzia eginez. ERCk gehitu zuen ebazpenak agerian uzten duela «preso politikoak» direla.
Preso katalanak askatzeko eskatu du Kontseiluak
Iruzkinak
Ez dago iruzkinik
Ordenatu
