WASHINGTON. Donald Trump AEBetako presidente ohiaren kontrako bigarren epaiketa politikoa hasi zuten atzo Senatuan, eta lehen egunean horren legezkotasunaren inguruan eztabaidatu zuten, Trump jada ez dagoelako estatuburu karguan. Bozketan, demokraten kontrolpean dagoen goi ganberak ebatzi zuen legediarekin bateragarria dela agintean ez dagoen politikaria epaitzea.
Impeachment prozesua datorren astean amaituko da. Aurrez, akusazioak eta defentsak hamaseina ordu izango dituzte beren argudioak aurkezteko. Alderdi Demokratak gutxienez hamazazpi senatari errepublikanoren babesa behar du arrakasta izateko.
Trump epaitzea legezkoa dela dio Senatuak
Iruzkinak
Ez dago iruzkinik
Ordenatu