SASKIBALOIA. Bitci Baskoniak ezin hobeto ekin dio ACB ligakokanporaketari. Valentziari haren etxean irabazi zion atzo gauean final-laurdenetako aurreneko partidan: 79-80. Beste bat irabaztea nahikoa izango du finalerdietara sailkatzeko. Larunbatean izango da hori, Gasteizen (18:30).
Emaitzak berdintasuna adierazten badu ere, Baskoniak kontrolpean izan zuen ia partida osoa. Hamar puntuko aldea izan zuen handiena, bi bider; azkenekoa hirugarren laurdena bukatzeko bi minutu falta zirela. Baina ez zuen burutu lana, eta azkeneko laurdenean, irauli egin zituen jokoa eta emaitza etxeko taldeak. Lau puntu aurretik ere jarri zen bi minutu falta zirenean (79-75). Baina Baskonia ez zen erori, eta Baldwinen hiruko batekin eta Costelloren biko batekin, 80 puntura heldu zen. Valentziak azkeneko erasoa izan zuen irabazteko, baina ez zuen asmatu. Neven Spahijak irabaztearen zailtasuna nabarmendu zuen, eta irabazi «bihotzarekin» irabazi zutela gehitu zuen.
Baskoniak lehen puntua lortu du Valentzian
Iruzkinak
Ez dago iruzkinik
Ordenatu