Gasteiz eta Burgos arteko AHTaren bidea onetsi du Espainiako Gobernuak

GASTEIZ. Espainiako Gobernuak ontzat eman du Burgos (Espainia) eta Gasteiz arteko AHTaren bidea. Proiektuari dagozkion ikerketa informatiboa eta ingurumen inpaktuaren txostena onartu zituen atzo Espainiako Ministroen Kontseiluak; Espainiako Garraio Ministerioaren esku geldituko da orain. Asteartean, Espainiako Gobernuak erran zuen ibilbide hori «funtsezkoa» dela Espainiako abiadura handiaren sektorearentzat, eta baita euskal y-ari «zentzua emateko» ere, Espainiari eta Ipar Euskal Herriari lotu ezean, euskal y-a bakartua geldituko bailitzateke.