Arabak alde batera utzi ditu zerga kenkariak

GASTEIZ. Arabako Aldundiak alde batera utzi du zerga kenkariak gutxitzeko proposamena. Horrela erantzun diote EAJren eta PSE-EEren foru gobernuak asteazkenean Arabako Batzar Nagusiek onartutako neurri sortari. PPren, EH Bilduren eta Orain Arabaren botoekin, batzar nagusiek erabaki zuten diru laguntzak emango dizkietela haur jaioberriak dituzten familiei —1.000 eta 250 euro artekoak— eta 65 urtekotik gorakoei.Gainera, 12.000tik 16.800 eurora igo dute errenta aitorpena egin behar ez izateko muga.

Neurriak salatu zituen atzo Ramiro Gonzalez ahaldun nagusiak: «Soilik batzuen fiskalitatea hobetzen dute». Gastua handitu eta bilketa gutxituko dutenez, Gonzalezek bertan behera utzi du «arabar guztiei» kenkariak handitzeko plana, eta ez du errenta zergaren tarifak inflaziora egokituko (deflaktazioa). Gainera, ohartarazi du arazoak izan ditzaketela Bizkaiarekin eta Gipuzkoarekin, bi horiek 14.000 euroan utzi nahi dutelako aitorpenen muga.