Gizon bat hilda agertu da Hondarribian, eta bila zebiltzana den argitu nahi dute

DONOSTIA. Hilotz agertu zen atzo gizon bat itsasoan, Hondarribi parean (Gipuzkoa). Arrantzan ari ziren hainbat lagunek aurkitu zuten. Autopsia egitera eraman zuten. Jaizkibelera arrantza egitera joandako gizon bat desagertuta dago hilaren 15etik; bila zebiltzan, eta hura den argitu nahi zuten. Atzo iluntzean, oraindik ere ez zuten baieztatu.