Parisek Madrilen esku utziko du gaur Zigor Garro

HENDAIA. Frantziak Espainiaren esku utziko du gaur Zigor Garro euskal preso ohia. Azarotik baldintzapean aske zen—Parisek etxea eta lana aurkitzeko exijitu zion, eta Hendaian (Lapurdi) jarri zen bizitzen, eta AEKn lanean; horrez gain, eskumuturreko telematikoa ezarri zioten—, eta larunbatean bete zuen kondena. Epaiak Frantziako Estatuan bizitzeko debekua jarri zion —helegitea aurkeztua du defentsak—, eta gaur 10:00etan polizia etxera joan beharko du, Hendaian; ondoren lagako dute Espainiako Poliziaren esku. Madrilek ez du haren kontra ezer eskatua.