Desgaitasuna artatzeko lege proiektua, onetsia

IRUÑEA. Nafarroako Gobernuak Desgaitasunen bat duten Pertsonei Arreta Emateko eta haien Eskubideak Bermatzeko Foru Legearen proiektua onartu du. Gobernuak azaldu duenez, egitasmoaren bidez desgaitasunen bat dutenen «autonomia» eta «erabakitzeko gaitasuna» bermatu nahi dute bizitzaren eremu guztietan. Nafarroako Parlamentuak tramitatuko du orain lege proiektua. Desgaitasunen bat dutenen osasunerako sarbidea bermatu nahi du arauak —sexu eta ugalketa osasuna barne—. Halaber, gizarte zerbitzuak, zerbitzu soziosanitarioak, kultura, kirola, aisia eta merkataritza jarduerak erabiltzeko bidea bermatuko da. Maria Maeztu Eskubide Sozialen kontseilariak esan du araua «aitzindaria» dela.