PARIS. Frantziak Otso Grisak Turkiako eskuin muturreko mugimendua legez kanpokotzat joko du, atzo Gerald Darmanin Barne ministroak jakinarazi zuenez. Taldearen debekuari bihar emango dio bide ministroen kontseiluak.
Otso Grisen mugimendua nahastuta egon zen Recep Tayyip Erdogan Turkiako presidentearen aldeko eta Armeniari babesa adierazteko bi manifestari talderen artean izan ziren liskarretan, joan den ostegunean, eta gau berean armeniarren kontrako manifestazio bat sustatu zutela ere uste du gobernuak.
Otso Grisak taldea MHP Turkiako Ekintza Nazionaleko Alderdia indar ultraeskuindarraren adar armatua da.
Frantziak legez kanpokotzat joko ditu Otso Grisak
Iruzkinak
Ez dago iruzkinik
Ordenatu