BILBO. Greba hotsak apaldu dira Bizkaiko metalgintzan. Ordu eta erdiko bilera egin zuten atzo sindikatuek eta FVEM patronalak, LHK Lan Harremanen Kontseiluaren egoitzan. Negoziazioa azaroaren 7an eta 11n jarraitzea hitzartu zuten.
Ordura arte, ELAk, LABek, CCOOk eta UGTk aztertu egingo dute patronalaren azken proposamena. Aurrekoa baino hobea dela onartu dute, nahiz eta oraindik haiek maiatzaren 10ean aurkeztu zuten proposamen bateratutik «urrun» ikusten duten. Besteak beste, FVEMek puntu erdi handitu du soldata igoera. Euskal Herriko lan hitzarmen handiena da Bizkaiko metalgintzarena, 55.000 langileri eragiten baitie.
FVEMek eskaintza hobetu du Bizkaiko metalean
Iruzkinak
Ez dago iruzkinik
Ordenatu
