5,5

JABEEI EMANDAKO DIBIDENDUAK, MILIOI EUROTAN
2012tik 2019ra bitartean 5,5 milioi euro patrikaratu zituzten Verter Recyclingen jabeek. Altxortegian dirua pilatuz zihoan enpresa, eta dibidenduak banatu ohi zituen ia urtero. 2014an, 2015ean eta 2016an, urtero 405.768 euro eman zizkien jabeei, eta 2013an, 202.883 euro. 2018an asko handitu ziren dibidenduak: 811.536. Eta 2019an, amildu aurreko azken urtean, askoz gehiago, 3,25 milioi euro partitu baitzituzten jabeen artean. Irabaziak emateaz gain, negozioaren martxa onaren seinale dira beste datu batzuk ere: hasierako inbertsiorako maileguak ia itzuliak zituzten, enpresak berak maileguak egin zituen behin baino gehiagotan, eta 9,5 milioi euro aurreztuak zituzten zabortegia ixteko.