GASTEIZ. Osakidetzak webgune berria aurkeztu du. Gaixotasunei, sintomei, tratamenduei eta prebentzioari buruzko informazio «zehatza» emango du, eta helburua da herritarrek orrialde «ez-fidagarriak» kontsultatzeari uztea. Orriko Osasun Eskola atalean dago informazioa eskuragai. Nekane Murga Eusko Jaurlaritzako Osasun sailburuak esan du atari berria «modernoagoa, gertukoagoa eta eskuragarriagoa» dela.
Webguneak «erreferente» ere bilakatu nahi du osasun esparruko kontuetan. Osasun Saileko arduradunek jakinarazi dute informazio «zehatza, erraza eta egiaztatua» ematen duela horretarako. Medikuarekin hitzordua hartzeko edota osasun karpeta kontsultatzeko aukera ere ematen du.
Osasun Sailak zabaldutako datuen arabera, Arabako, Bizkaiko eta Gipuzkoako lau herritarretik batek Interneten bidez jasotzen du gaixotasunei buruzko informazioa, eta soilik horietatik laurdenek aurkitzen dituzte datu «egokiak». Juan Diego Osakidetzako zuzendariak azaldu du osasun zerbitzuak bertako profesionalek baieztatutako informazioa eman dezakeela. Horri tira eginez ondu dute atal berria.
Osakidetzak web «fidagarri» bat aurkeztu du
Iruzkinak
Ez dago iruzkinik
Ordenatu