BAIGORRI. Apirilaren 30ean, ehunka lagunek Nafarroaren Eguna ospatu zuten Baigorrin. Festatik astebete iragan delarik, baina, jaiaren antolatzaile Basaizea elkarteak jakinarazi du emakume bati sexu eraso bat egin ziotela orduko hartan. Atzo argitara ateratako ohar batean adierazi zutenez, gizonezko batek emakumezko bati egin zion eraso, biktimak berak salatu duenez.
Plazaratutako idazkiaren bidez, elkarteak babesa azaldu dio biktimari, eta argitu du edozein motatako erasoak «onartezinak» direla. Hala izanik, Basaizeak zehaztu du beharrezkoa dela horiei «erantzun azkar bat» ematea. Hain zuzen ere, protesta egiteko, manifestaziora deitu du elkarteak datorren asterako. Hilaren 14an eginen dute martxa, larunbatarekin, Baigorrin. 11:00etan abiatuko dira, herriko etxeko plazatik. «Duela aste bat musikari eta ziganteen gibeletik genbiltzanok ibiakotzean haserrez eginen dugu bide bera», idatzi dute. «Haserrea oihukatzera» deitu dute, «horrelakorik berriz gerta ez dadin».
Nafarroaren Egunean sexu eraso bat jazo zen
Iruzkinak
Ez dago iruzkinik
Ordenatu