Estatutu berrian «malguagoak» izateko eskatu du Erkorekak

GASTEIZ. Eusko Jaurlaritzako bozeramaile Josu Erkorekak esan du EAJk eta EH Bilduk Eusko Legebiltzarrean adostu duten estatus politiko berriaren oinarrien dokumentua lehen fase baten emaitza dela, eta aurrerantzean horrek bat egite zabalagoak beharko dituela. EH Bilduri eta orain artekoarekin bat egin ez dutenei—gobernuko kide diren PSE-EEkoei, bereziki— Erkorekak ohartarazi die «malguago» jokatu beharko dutela beren asmoetan. EAJkoak gogoratu du legealdi honetan estatus politikoa berritzea adostu zutela PSE-EErekin koalizio akordioan.