Europako Batasunak akordiorik gabeko 'brexit' bati aurre egiteko plana egin du

LONDRES. Erresuma Batuak bezperan egin bezala, EB Europako Batasunak atzo aurkeztu zuen akordiorik gabeko brexit bati aurre egiteko plana, zortzi sektoreri eragingo lieketen hamalau punturekin. Neurrien artean dago, adibidez, Erresuma Batuari urtebeterako baimena ematea handik ateratako hegaldiak EBn sartzeko, edo EBren aire eremutik pasatzeko. «Hala ere, ezin diegu aurre egin arazo guztiei», esan du batzordeak. Erresuma Batuan, berriz,gobernuak brexit-aren ondoren ezarri nahi dituen migrazio arauak aurkeztu ditu.