Marokok bi euskal herritar bota ditu Saharatik

GASTEIZ. Kanporatu egin ditu Marokoko Poliziak Mendebaldeko Saharara joandako bi euskal herritar: Diana Pardo eta Maku Florentino. Saharari elkartasuna erakusteko bi elkartetan dihardute, eta bertan dituzten ezagunak bisitatzera joanak ziren Aaiunera; bisita «pribatua» zen. Ostegunean, ordea, bisitatu nahi zuten familietako batekin elkartu zirenean, Polizia berehala agertu zitzaien. Auto batean sartu, eta Agadirrera eramango zituztela esan zieten. Uko egin zioten bi andreek Poliziaren esana betetzeari, eta hautu bakar bat eman zieten ondoren; ostatu hartuta zuten hotelera joan eta lehen hegaldian alde egitea. Adierazi zieten ez zirela«ongi etorriak».