Iragarri dute Kraftwerk izango dela BIME Live jaialdiko lehen kartelburua

MUSIKA. Azaroaren 1ean eta 2an egingo dute BIME Live jaialdia, Barakaldoko BECen (Bizkaia). Zazpigarren urtea izango du, eta antolatzaileak jada hasiak dira jaialdian ariko diren taldeen izenak iragartzen. Besteak beste, lehen kartelburuarena eman dute: Kraftwerk. Alemaniako talde hori musika elektronikoaren aitzindarietako bat da, eta hiru dimentsioko «muntaketa ikusgarria» ekarriko du. Banpiro Maitaleak (Mursego eta Amorante), Aitor Etxebarria El Txef-A, Amaia, Carolina Durante eta Mark Lanegan Band ere jaialdian izango dira.