PILOTA. Artola-Arangurenek ez dute azken hitza esan binakakoan. 22-13 irabazi zieten atzo Peña II.ari-Albisuri Iruñean, eta, horri esker, hiru garaipen dituzte, Urrutikoetxea-Imazek bezala, baina lehia bat gehiago jokatuta —Olaizola II.a-Rezustaren aurka ariko dira bihar, Muskizen (Bizkaia)—. Seigarren dira sailkapenean, hots, kanporaketa jokatzeko postuetan. Atzoko garaipenak, gainera, konfiantza handia emango die. Ondo itzuli zen Artola, eta Arangurenek beste aurrerapauso bat eman zuen bere jardunean. Huts bakarra egin zuten; aurkariek, ordea, hamasei.
Gaur lehen bi sailkatuek jokatuko dute elkarren aurka Eibarren (Gipuzkoa): Elezkano II.a-Zabaleta, Altuna III.a-Mariezkurrena II.aren kontra. Aurrenekoek zortzi garaipen dituzte, aurkariek baino bat gehiago.
Artola-Aranguren lehian sartu dira bete-betean: 22-13
Iruzkinak
Ez dago iruzkinik
Ordenatu