IRUÑEA. Bakartxo Ruiz EH Bilduko parlamentariak Nafarroako Gobernuari eskatu dio «atzera botatzeko» Maravillas gaztetxea husteko eskaria, eta orain arteko jarrera «zuzentzeko». Atzo eginiko agerraldi batean, koalizioak ohartarazi du gaztetxea hustuz gero «arazo larri bat» sortuko dela ordena publikoan. Ruizen esanetan, gobernuak «guztiz jabetu» behar du auziak duen «alde sozial eta politikoaz». Era berean, argitu du «alde bakarreko erabakia» izan dela. Orain Baik eskaera bera helarazi dio Uxue Barkosen gobernuari, eta azaldu du «berriro ekin» behar zaiola gaztetxeko kolektiboekin hitz egiteari.
Nafarroako Garapen Ekonomikoko kontseilari eta gobernuko presidenteorde Manu Aierdik, aldiz, azpimarratu du gobernuak ezin duela ahaztu «legea betetzeko duen ardura».
Maravillas husteko erabakia baztertzea galdegin dute
Iruzkinak
Ez dago iruzkinik
Ordenatu