Juanmi Gutierrezen azken lana ikusgai gaur Donostian

ZINEMA. Juanmi Gutierrez (Errenteria, Gipuzkoa, 1945) zinemagilea otsailaren 18an hil zen, eta hil baino hamar egun lehenago bukatu zuen Paseko txoriak film dokumentala. Gaur emango dute Donostian, Viktoria Eugenia antzokian, 19:00etan, Giza Eskubideen Zinemaldian. Santiago zubia zeharkatu nahi duten errefuxiatuak dira filmeko protagonistak, eta baita errefuxiatuoi laguntzeko antolatu diren Irungo (Gipuzkoa) eta Hendaiako (Lapurdi) herritarrak ere.