SASKIBALOIA. Denetarik izan zen atzo Espainiako Ohorezko Mailan ari diren euskal taldeen artean. Lointek Gernika Bizkaiak irabazi egin zuen La Lagunan (Espainia), Teneriferen aurka: 62-72. RPK Araskik, aldiz, azken unean galdu zuen Valentzian (Herrialde Katalanak), etxeko taldearen aurka: 64-62. IDK Gipuzkoak, berriz, Girona indartsuari egingo dio bisita gaur (18:00).
ACB ligan, Retabet Bilbo Basketek Espainiako Koparako sailkatzea du jokoan gaur. Erronka oso zaila du, Bartzelona ahaltsuaren kantxan irabazi behar baitu helburua lortzeko. 12:30ean hasiko da partida. Kirolbet Baskoniak, berriz, ez du ezer jokoan, sailkatzeko aukerarik ez baitu. Kanaria Handian (Espainia) ariko da (13:00). Gasteiztarrek suspertu egin nahi dute, Euroligan hamaikagarren kolpea hartu eta gero.
Gernikak irabazi egin du, eta Araskik, galdu
Iruzkinak
Ez dago iruzkinik
Ordenatu