IRUÑEA. Ikasturte berriarekin batera ez da amaitu Nafarroako 0-3 zikloko ikastetxeetako langileen ezinegona. Iaz, greba mugagabea egin zuten hezitzaileek lan baldintza hobeak eskatzeko, eta, salatu dutenez, egoerak ez du hobera egin.
Hori dela eta, protesta egin zuten atzo, Iruñeko autobus geltokiaren aurrean, haur eskolen «masifikazioa» salatzeko. 0-3 Plataformako kideen arabera,Nafarroako Gobernuak ezarritako ratioak handiegiak dira, plaza gehiago eskaini izanaren ondorioz. Ratioak apaltzeko eskatu dute, hezitzaile bakoitzak ikasle gutxiago izan ditzan. Salatu dute egoerak ondorioak dituela ikasleen baldintzetan. «Haurrak pilatuta daude: ikasle bat 1,75 metro koadroko».
0-3 eskolen «masifikazioa» salatu dute
Iruzkinak
Ez dago iruzkinik
Ordenatu