ELBk mobilizazio kolektiboa txalotu du Azkarateko espekulazioaren kasuan

AZKARATE. Azkarateko (Nafarroa Beherea) bi etxe eta lur eremu bat enkanteetan saltzen saiatu ziren joan den maiatzaren 12an. ELB eta Lurzaindiaren mobilizazioei esker, bertan behera gelditu ziren enkanteak, eta, azkenean, herriko etxearen eta Aintziburu familia jabearen arteko adostasuna erdietsi dute, eta salmenta espekulatiboa eragotziko dute horrela. ELB Euskal Herriko Laborarien Batasunak goretsi egin du akordioa: «Herriak hainbeste faltan dituen etxebizitzak egiten ahalko ditu, eta 31 hektarea laborarien esku geldituko dira».