YOKOHAMA. Nissaneko administrazio kontseiluak aho batez erabaki zuen atzo Carlos Ghosn enpresako lehendakaritzatik botatzea. Zehaztu ez dituen iruzurrak egitea leporatu dizkiete Ghosni eta haren laguntzaile Greg Kellyri. Bata zein bestea atxilotuta daude astelehenaz geroztik, Tokion, eta zain daude fiskalak haien aurkako salaketak zehazteko.
Auto industriak azken bi hamarkadetan izan duen zuzendari ezagunena da Ghosn. Cost killer edo kostuen hiltzailea ezizena jaso zuen, errentagarritasuna lortu ahal izateko milaka langile kalean utzi zituelako. Sistema horrekin Renault biziberritu zuen, Nissan porrotetik salbatu, eta bien arteko batasuna sektoreko eragile indartsuenetako bat bilakatu. Renaulteko lehendakaritzatik ere kendu dute, baina behin-behinean.
Nissanek Carlos Ghosn bota du, aho batez
Iruzkinak
Ez dago iruzkinik
Ordenatu