MADRIL. Kataluniako buruzagi independentistei sedizioa eta diru publikoa bidegabe erabiltzea egotziko diete, Espainiako zenbait hedabidek egunotan filtratu dutenez. Fiskalak matxinadagatik ere zigortu nahi zituen, baina, filtrazioen arabera, ez dituzte horregatik zigortuko.
Informazio horiek diotenez, Oriol Junquerasi, Joaquim Forni, Josep Rulli, Jordi Turulli, Jordi Sanchezi, Jordi Cuixarti, Dolors Bassari, Carme Forcadelli eta Raul Romevari hamar urte inguruko zigorra jarriko diete; aldiz, ez dira espetxean sartuko Santi Vila, Carles Mundo eta Meritxell Borras, desobedientziagatik zigortuko dituztelako.
Espainiako Auzitegi Goreneko epaileak bihar bilduko dira berriz ere, eta, azken aldaketa eta eztabaidak eginda, egun horretan bertan edo etzi sinatuko eta kaleratuko dute epaia.
U-1ekoei sedizioa egotziko diete, filtrazioen arabera
Iruzkinak
Ez dago iruzkinik
Ordenatu