DONOSTIA. Krisi giroa itzuli ahala, hemen da berriro aurreko krisiaren zoritxarreko protagonistetako bat: arrisku saria. Hau da, Alemaniak baino zenbat gehiago ordaintzen duten estatuek beren burua finantzatzeko. Berez, Alemaniaren zor publikoa garestitu egin da azken egunotan, nahiz eta tasa negatiboetan jarraitzen duen(-%0,3). Baina positiboan daude beste herrialdeak, gero eta positiboago. Koronabirusaren krisiaren erdigunea Italian dago orain, eta han ari da gehiago garestitzen arrisku saria. Otsaileko azken astetik gainera zetorkiona ikusten ari zenetik, 135etik 280ra handitu da arrisku saria. Hau da, interesetan puntu eta erdi handitu dela interes tasa. Zorraren garestitzea arazo handia da Italiarentzat: birusaren aurretik ere atzeraldiaren ertzean zegoen, eta BPGaren %135 zorra du.
Italiaren ondoren, Espainia da bigarren foku nagusia, eta hango zorra ere garestitzen ari da. Arrisku saria 155 puntura heldu da gaur goizean, 2016. urteaz geroztik ikusi gabeko prezio batean.
Arrisku sariak handitu dira Italian eta Espainian
Iruzkinak
Ez dago iruzkinik
Ordenatu