KINSHASA. Hilabete eta hamabi egunean ez dute beste ebola kasurik baieztatu Kongoko Errepublika Demokratikoko Ipar Kivu eskualdean. «Pozik diot ebola izurritearen hamabosgarren agerraldia amaitutzat jo dezakegula», iragarri zuen atzo Jean-Jacques Mbungani Mbanda Osasun ministroak. Hala ere, ohartarazi zuen «oraindik arriskua handia» dela, Ugandan agerraldi bat egon baita..
Iragan abuztuaren 22an hasi zen izurritearen azken agerraldia, ekialdeko Beni hirian. Zenbait iturriren arabera, kasu hori genetikoki lotuta zegoen 2018. eta 2020. urteen arteko agerraldian zabaldu zen birusarekin. Hain zuzen, bi urte horietako agerraldiak bereziki gogor jo zituen herritarrak; izan ere, 3.500 kutsatze inguru zenbatu zituzten Ipar Kivu eta Ituri probintzietan.
Kongoko klima eta baso tropikalek baldintza ezin hobeak eskaintzen dituzte birusa sortzeko. Duela ia 50 urte atzeman zuten aurrenekoz, 1976an, eta ordutik izurritearen hamabost agerraldi erregistratu dituzte herrialdean.
Kongok amaitutzat jo du ebolaren azken agerraldia
Iruzkinak
Ez dago iruzkinik
Ordenatu