ERRUGBIA. Espainiako Ohorezko Mailako taldeek bukatutzat eman dute denboraldia. Klubak Espainiako Errugbi Federazioak zer erabaki zain zeuden, baina hark apirilaren 30era arte itxaron nahi zuen. Hori ikusita, eta egoeraren larritasuna kontuan hartuta, klubek erabaki dute gehiago ez jokatzea denboraldi honetan, eta datorren sasoiari ekitea lehiari. Maila nagusia ez ezik, bigarren maila ere bertan behera utzi dute.
Liga erregularra amaitzeko bost jardunaldi falta ziren jokatzeko, eta sailkapenean, laugarren zen Ordizia, eta azkena Hernani. Orain, ikusteko dago Espainiako Federazioak zer erabakiko duen. Bi aukera daude: bat, liga amaitutzat ematea; eta bi, sasoia hutsean uztea. Lehen aukeraren alde egingo balu, Hernanik maila galduko luke. Bigarrenaren alde eginez gero, aldiz, ez litzateke jaitsiko.
Ordiziak eta Hernanik ez dute gehiago jokatuko
Iruzkinak
Ez dago iruzkinik
Ordenatu