Behar berezidun migratzaileen egoitza Berrizen egongo da

Migratzaileen gosaria, igandean, Bilbon.
Migratzaileen gosaria, igandean, Bilbon. ARITZ LOIOLA / FOKU

Berria -

2018ko irailak 4
BERRIZ. Eusko Jaurlaritzak behar bereziak dituzten migratzaileentzako aparteko zentro bat irekiko du Berrizen (Bizkaia). Lide Amilibia Gizarte Politiketako sailburuordeak eman du berria. Adingabeen kargu dauden andreek, haurdun emakumeek eta gaixorik dauden migratzaileek erabili ahal izango dute. Orain arte, Bilbon, Donostian, Gasteizen eta Irunen (Gipuzkoa) egon dira aterpetxeak.

Joan den astera arte, Bilbokoan soilik egon da andreentzako eta familientzako lekua. Izan ere, kolektibo horiek ere onartzeko, gizonentzako eta andreentzako espazio bereiziak eduki behar zituen egoitzak, andreen segurtasuna bermatzeko. Larunbatetik, Irunen ere badago beste bat. Dena den, aterpetxe horiek lotarako dira, eta, gehienez, hiru eta bost gau artean igaro daitezke euretan.

Berrizko aterpetxe berrian hamabost eta hogei egun artean igarotzeko aukera eskainiko dute migratzaileek. Gainera, ez da soilik lotarako aterpetxea izango. Zerbitzu integrala emango du, eta egun osoan egongo da zabalik. Oraindik ez dute iragarri noiz egongo den zabaltzeko prest.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna