RIAD. Yemengo huthi matxinoek beren gain hartu dute Saudi Arabiako bi petrolio findegiri droneekin atzo egindako erasoa. Yahia Sarle matxinoen bozeramaileak Al-Masiarh telebista kateari adierazi zion hamar drone bidali zituztela Saudi Aramco estatuaren petrolio enpresak Abqaiqen eta Khuraisen dituen findegietara, eta ohartarazi zuen erasoak areagotu egingo direla Yemengo gerra bukatzen ez bada.
Saudi Arabiako Barne Ministerioak esan zuen bi suteak kontrolpean zituela. Ez dago argi erasoan zauriturik izan den, ezta herrialdeko petrolio ekoizpenari nola eragin dion ere. Abqaiqko petrolio findegia munduko handiena da: zazpi milioi upel ekoizten ditu egunean.
Huthiek saudien findegi handienari eraso diote
Iruzkinak
Ez dago iruzkinik
Ordenatu
