FUTBOLA. Espainiako Bigarren Mailara igo eta gutxira jaso du lehen kolpea Amorebietak: ezingo du datorren denboraldian bere zelaian jokatu, Urritxen. Espainiako Futbol Liga Profesionalaren (LFP) arabera, zelaiak ez ditu baldintzak betetzen, eta ez dago astirik hura egokitzeko. «Oso triste gaude. Gure esku zegoen guztia egin nahi genuen Urritxen jokatzeko, baina ligak igorritako txostena oso argia da. Ez dio biderik uzten itxaropenari», esan zuen atzo Jon Larrea Amorebietako presidenteak.
LFPk hamar egun eman dizkio Bizkaiko taldeari Urritxe ez den beste zelai bat proposatu dezan. Larreak azaldu zuenez, bazkideen eskubideak eta erosotasuna izango dituzte kontuan, baita herriaren kirol, gizarte eta diru onurak ere.
Hiru aukera daude mahai gainean: bata, Lezaman jokatzea; bestea, Barakaldon (Bizkaia), Lasesarren; eta azkena, Eibarren (Gipuzkoa), Ipuruan.
Amorebietak ezingo du Urritxen jokatu Bigarren Mailan
Espainiako Liga Profesionalaren arabera, zelaiak ez ditu baldintzak betetzen, eta ez dago astirik hura egokitzeko
Iruzkinak
Ez dago iruzkinik
Ordenatu
