Omenaldia Bellokeko beneditarrei

AHURTI. Eusko Jaurlaritzak eta Gogora institutuak omenaldia egin diete Bellokeko monasterioko monje beneditarrei (Ahurti, Lapurdi), 1936. urtetik 1940. urtera Hego Euskal Herritik ihes eginda iritsitako herritarrei eskaini zieten laguntza eta babesagatik.

Bellokeko monasterioan egin dute ekitaldia, eta han izan dira Eusko Jaurlaritzako lehendakari Iñigo Urkullu, Jean Jacques Lasserre Pirinio Atlantikoetako departamenduko kontseiluko lehendakaria eta beste zenbait agintari. Bellokeko monasterioan babes hartutako errefuxiatuen senitartekoak ere egon dira ekitaldian.

Urkulluk esker ona adierazi die beneditarrei eta, oro har, «ateak eta besoak» ireki zituzten Ipar Euskal Herriko erakunde eta herritarrei, «elkartasuna ekintzekin erakusteagatik».