«Kontzientzia osoa» zuen umea hil zuen gizonak
GASTEIZ. Aurrera doa Gasteizen ume txiki bat leihotik bota eta hiltzea egotzita epaitzen ari diren gizonaren kontrako epaiketa. Akusatua aurrena ikusi zuten ertzainak solastatu ziren atzo auzitegian; hark egindakoaren «kontzientzia osoa» zuela esan zuten. Haurra hil zuenean burutik nahastuta zegoela argudiatu du orain epaiketan akusatuak; baina ertzainen arabera, «zentzuz» erantzun zituen egin zizkioten galderak, eta onartu egin zuen haurraren hiltzailea zela. «Biak hil ditut: ama, eta haurra», esan zuela azaldu zuten. Izan ere, haurra hiltzeaz gain, haren amaren kontra egitea ere egozten diote; hain justu, zauritu egin zuen. Hildako umeak hamazazpi hilabete besterik ez zuen hil zuenean.
Iruzkinak
Ez dago iruzkinik
Ordenatu