Putinek esan du zigortu egingo dituela Kemerovoko sutearen erantzuleak

KEMEROVO. Vladimir Putin Errusiako presidentea, tragediaren dimentsioaz ohartuta, Kemerovora joan zen atzo. Siberiako hiri horretako merkataritza gune batean igandean izandako suteak hautsak harrotu ditu; izan ere, agerian geratu da eraikinak ez zituela segurtasun neurriak betetzen. Putinek, bada, sutearen erantzuleak zigortu egingo dituela esan du: «Arduragabekeria kriminalak egon dira». Sutean 64 lagun hil ziren, horietatik 41 haurrak. Kemerovoko plazan milaka lagun elkartu ziren atzo biktimei euren elkartasuna adieraztera.