Unescoren hezkuntza sari bat irabazteko hautagaien artean dago Skolae programa

IRUÑEA. Unescoren Neskato eta Emakumeen Hezkuntzarako Nazioarteko Sariko hautagaien artean sartu dute Nafarroako Gobernuaren Skolae programa. Hala jakinarazi zuen atzo Maria Solana Hezkuntza kontseilariak, Skolaeri buruzko mintegi batean. Herenegun, programa hori landu zuten bost aditu lekuko gisa deklaratzera deitu zituen Nafarroako Auzitegi Nagusiak, familia batzuek eta Plataforma Nacional 18M taldeak jarritako salaketak tramiterako onartu ondoren.