ZINEMA. Iaz bezala, zuzendari mexikar batek irabazi du Urrezko Lehoia Veneziako zinemaldian. Alfonso Cuaronek eraman du jaialdiko sari nagusia Roma lanagatik. Guillermo del Toro epaimahaiko buruak eman zion saria, atzo —iaz Del Torokjaso zuen The Shape of Water-ekin—. Roma-k Mexiko Hiriko familia baten bizitzako urte bat kontatzen du, 1970eko hamarkadan girotuta. Hasiera batean Cannesen aurkeztekoa ziren filma, baina atzera bota zuten Frantziako jaialdiak Netflixen filmak ez onartzea erabaki zuenean.
Zuzendari onenaren saria, berriz, Jacques Audiard zuzendari frantziarrak jaso zuen The Sisters Brothers AEBetan egindako filmagatik. Patrick deWitten eleberrian oinarrituta dago umore beltzez jositako westerna da. John C. Reilly eta Joaquin Phoenix ditu protagonista nagusi
Epaimahaiaren sari nagusia Yorgos Lanthimosen The Favourite-rentzat izan zen, eta gidoi onenaren saria Joel eta Ethan Coenen The Ballad of Buster Scruggs-entzat.
Emakumezko aktore onenarentzako Volpi kopa Olivia Colmanek irabazi zuen Lanthimosen filmean egindako lanagatik, eta gizonezko aktore onenaren saria Willem Dafoerentzat izan zen. Julian Schnabelen At Eternity's Gate filmagatik.
Jennifer Kenten The Nightingale filmak ere bi sari eskuratu zituen: epaimahaiaren sari berezia eta aktore berri onenarena (Baykali Ganambarr)
Cuaronen 'Roma'-k irabazi du Veneziako sari nagusia
Jacques Audiardek jaso du zuzendari onenaren saria 'The Sisters Brothers' AEBetan egindako westernarekin
Iruzkinak
Ez dago iruzkinik
Ordenatu
