Aurreskua Gipuzkoako erara: txapelketa mistoa lehen aldiz
DANTZA. Euskadiko Gipuzkoar Aurresku Txapelketa eta Euskadiko soinu zahar txapelketa bateratu dituzte aurten. Gipuzkoako Dantzari Elkarteak, Ordiziako Udalak eta Amets Bide kultur elkarteak antolatu dute txapelketa, eta, lehen aldiz, mistoa izan da lehiaketa. Hala, bost dantzari emakumezko eta hiru gizonezko lehiatu ziren larunbat arratsean Ordiziako plaza nagusian, Aitor Furundarena soinu jotzailearen eta Ordiziako txistularien doinura: Katerin Artola (Oiartzun), Iker Belintxon (Lezo), Elixabet Larrañaga (Villabona), Nahia Lopez (Legazpi), Idoia Narbaiza (Legazpi), Irati Olaizola (Legazpi), Asier Rios (Errenteria) eta Beñat Salegi (Errenteria).
Lehiakide guztiak dantzatu beharreko hiru piezak dantzatzen ikusi ostean, Jose Luis Vallejok, Nahikari Vizuetek eta Izar Etxeberriak osatutako epaimahaiak Katerin Artolari eman zion lehen saria —400 euro eta gazta bat—, Beñat Salegiri bigarrena —300 euro eta gazta bat— eta Irati Olaizolari hirugarrena —200 euro eta gazta bat—.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
